Ĉi tiu paĝo estas nekompleta. La individuaj dialogoj por aldoni proprajn fontojn ne estas klarigitaj.

Preferoj > Bildaro

Modifi la liston de bildaraj tavoloj montritaj en la Bildara menuo

Kvar langetoj estas haveblaj por aldoni, forigi kaj modifi bildarajn fontojn, ĝeneralajn bildarajn agordojn, markojn de bildara deŝovo kaj bildaran kaŝmemoran agordon.

Noto: Por montri bildaron (fonon) en la Mapvido, uzu la Bildara menuo anstataŭe.

Bildaraj provizantoj

Ĉi tie vi povas modifi la liston de bildaroj, kiuj aperas en la Bildara menuo. Multaj antaŭdifinitaj fontoj estas haveblaj, krome eblas modifi ekzistantajn kaj difini proprajn erojn. JOSM subtenas WMS, TMS, WTMS kaj MVT servilojn.

Haveblaj defaŭltaj eroj

La supra maldekstra listo enhavas ĉiujn haveblajn fontojn. Se vi elektas fonton kaj ĝi ne estas provizita tutmonde, ĝiaj limoj estas montritaj sur la malgranda mapo supre dekstre. Vi povas filtri ĉi tiun liston per tajpado en la skatolo supre. Vi povas uzi partojn de la fontnomo, la landokodon (ekz. cz), la landnomon (ekz. Ĉeĥio, uzu la landnomon en la lingvo, en kiu JOSM estas agordita), la fontkategorion (foto, alteco, historia foto, mapo, historia mapo, OSM-bazita mapo, kvalita kontrolo aŭ alia) aŭ la URL.

• Por ĝisdatigi (reŝargi de JOSM-servilo) la liston de defaŭltaj eroj, klaku sur la butono inter la du listoj.
• Por kopii eron de la supra listo al la malsupra listo, elektu ĝin en la supra listo kaj klaku sur la Aktivigi butono inter la du listoj.

Noto: Por aldoni eron al la supra listo de defaŭltaj eroj, legu la Dokumentadon kaj redaktu Mapoj aŭ ĝiajn subpaĝojn (por progresintaj uzantoj).

Elektitaj eroj

La malsupra listo enhavas ĉiujn erojn, kiuj aperos en la Bildara menuo. Aktivigitaj defaŭltaj eroj estas emfazitaj verda en ambaŭ listoj. (La verda koloro ne diras ion pri la stato/sano de la serviloj, kiujn ili mencias, nek la validecon de la URL-oj.)

• Por aldoni propran WMS/TMS/WMTS/MVT-fonton, klaku sur la respektiva butono dekstre, , , aŭ kaj sekvu la instrukciojn.
• Por forigi eron en la malsupra listo, elektu ĝin kaj klaku sur la butono.
• Por modifi eron, duobla klaku sur la kampo en la tabelo kaj modifi ĝian enhavon.

Konsilo: Por permane aldoni novan eron, aktivigu eron el la supra listo kaj modifi ĝin laŭ viaj bezonoj.

La listo de elektitaj eroj estas konservita en progresinta prefero kiel valoro de la ŝlosilo: imagery.entries

Agordoj

Ĉi tie vi povas redakti iujn ĝeneralajn bildarajn agordojn. Iuj el ĉi tiuj agordoj ankaŭ estas haveblaj, por ĉiu bildara tavolo, per dekstra klako en mapvido kun videbla bildara tavolo.

Ĝeneralaj Agordoj

Akrigi (postulas re-aldonon de tavolo)

aldonas akrigan post-procezon. Valoroj estas Neniu, Mola aŭ Akra. Ĉar ĉi tio ŝanĝas la eron en la listo, la bildara tavolo devas esti re-aldonita.
Progresinta prefero: imagery.sharpen_level

Kahela zoma deŝovo

deŝovo inter kalkulita zoma nivelo kaj zoma nivelo uzata por elŝuti kaj montri kahelojn. Negativaj valoroj (subzomo) rezultos en pli malalta rezolucio de bildaro utila kun HiDPI-ekranoj, pozitivaj valoroj (superzomo) rezultos en pli alta rezolucio, je la kosto de pliigita memoruzado.
Progresinta prefero: imagery.generic.zoom_offset

WMS Agordoj

Aŭtomata zomo defaŭlte

ĉu la zomaj niveloj de la WMS-bildara tavolo devus esti ĝustigitaj kiel vi zomas en aŭ el la mapo.
Progresinta prefero: imagery.wms.default_autozoom (defaŭlte: vera)

Samtempaj konektoj

Nombro de samtempaj konektoj.
Progresinta prefero: imagery.wms.loader.maxjobs (defaŭlte: 3)

Kahela grandeco

grandeco de ĉiu kahelo.
Progresinta prefero: imagery.wms.imageSize (defaŭlte: 512)

TMS Agordoj

Aŭtomata zomo defaŭlte

ĉu la zomaj niveloj de la TMS-bildara tavolo devus esti ĝustigitaj kiel vi zomas en aŭ el la mapo.
Progresinta prefero: imagery.generic.default_autozoom (defaŭlte: vera)

Aŭtomata ŝargo de kaheloj defaŭlte

ĉu TMS-kaheloj devus esti ŝargitaj aŭtomate aŭ nur permane.
Progresinta prefero: imagery.generic.default_autoload (defaŭlte: vera)

Minimuma zoma nivelo

minimuma zoma nivelo por TMS-tavoloj.
Progresinta prefero: imagery.tms.min_zoom_lvl (defaŭlte: 2)

Maksimuma zoma nivelo

maksimuma zoma nivelo por TMS-tavoloj.
Progresinta prefero: imagery.tms.max_zoom_lvl (defaŭlte: 20)

Aldoni al glitmap-elektilo

ĉu TMS-bildaroj devus esti haveblaj en elŝuta dialogo.
Progresinta prefero: imagery.tms.add_to_slippymap_chooser (defaŭlte: vera)

Maksimuma samtempa elŝuto

tutmonda maksimuma nombro de paralelaj TMS-bildaraj elŝutoj.
Progresinta prefero: imagery.tms.tmsloader.maxjobs (defaŭlte: 25)

Maksimuma samtempa elŝuto po gastiganto

maksimuma nombro de paralelaj TMS-bildaraj elŝutoj po gastiganto.
Progresinta prefero: imagery.tms.tmsloader.maxjobsperhost (defaŭlte: 6)

Markoj de bildara deŝovo

Ĉi tie estas listigitaj ĉiuj markoj de bildara deŝovo, kiuj povas esti facile aldonitaj per Nova deŝovo en la Bildara menuo kaj la tavollista panelo kunteksta menuo.
Progresinta prefero: imagery.offsetbookmarks

Kaŝmemoro

Ĉi tie estas listigitaj ĉiuj kaŝmemoritaj bildoj (kaheloj) de ĉiu fonto. Vi povas uzi la malplenigi butonon en ĉiu linio por forigi la kaŝmemoritajn bildojn por ĉiu fonto. Vi eble bezonos restartigi JOSM por ke ĝi efiku en la Mapvido.

Noto: Ebla ekzistanta Mapnik-ero devenas de uzo de la glitmapo montrita de la JOSM elŝuta dialogo en malnovaj JOSM-versioj. Ekde r14495 (#17054), vi povas sekure forigi ĝin.

Kaŝmemoraj Agordoj

Kahela kaŝmemora dosierujo

loko de la bildara kahela kaŝmemoro, vidu defaŭltajn dosierujojn.
Progresinta prefero: imagery.generic.loader.cachedir

Maksimuma grandeco de diska kaŝmemoro (po bildaro) en MB

kvoto-opcio po bildaro.
Progresinta prefero: imagery.cache.max_disk_size (defaŭlte: 512)

---

Reen al Preferoj-dialogo
Reen al Redakta Menuo
Reen al Ĉefa Menuo
Reen al Ĉefa Helpo