Søk

Tastatursnarveg: Ctrl+F

Søk etter objekt i det aktive datalaget ved hjelp av spørjespråk.
Dette vindauget har ulik utsjånad, avhengig av di Ekspertmodus-innstilling, sjå nedanfor:

• Søkehandlinga vil respektera dei gjeldande filtra, noko som tyder at ho ikkje vil returnera nokon av dei filtra objekta.
• Kolon (:) innanfor nøklar og verdiar må omgivast med anførselsteikn (").
• Hald musepeikaren over eit søkeord i søkeforslaga for å få ei forklaring og spesielle døme.
• Dobbelklikk på ei føreinnstilling som er oppført i søkevindauget for å leggja til spørjinga for å søkja etter objekt som samsvarar med denne føreinnstillinga.

Ekspertmodus

I ekspertmodus vert følgjande alternativ lagt til:

• fleire søkeord er oppførte (dei verkar også i ikkje-ekspertmodus, men er gøymde i dialogen)
• standard/regulært uttrykk/MapCSS-veljar radioknappar, sjå avsnitta nedanfor for detaljar
• alle objekt avkryssingsboks for å inkludera sletta og ufullstendige objekt i søket
• legg til verktøylinjeknapp sjå lagre søkespørjing i hovudverktøylinja nedanfor.

Døme

Nokre døme på søkespørjingar:

• type:way vel alle veger
• name:Herrengasse vel alle element med det gitte namnet
• name=Herrengasse same som ovanfor, men skil mellom store og små bokstaver
• "addr:street"="Baker Street" viss spesielle teikn (i dette tilfellet : i nøkkelen og mellomrom i verdien) vert brukte, må nøkkelen høvesvis verdien omgivast med ""
• tag1=yes tag2=yes tilsvarar tag1=yes & tag2=yes
• type:way name:- vel alle veger som ikkje har eit namn
• id:123465678 vel eit objekt (veg eller node) med ein bestemt id
• timestamp:2010-11-01/2010-12-01 vel objekt med siste endring i november 2010
• preset:"Craft/Beekeeper" vel objekt som samsvarar med føreinnstillinga for bigartnar
• Sjå også Døme

Lagre søkespørjing i hovudverktøylinja

For å lagre søk som ein knapp, viss du kryssar av for legg til verktøylinjeknapp, så snart du klikkar på Start søk, vil ein knapp verta lagt til i hovudverktøylinja, som vil utføra den definerte søkespørjinga kvar gong du trykkar på knappen.

• Verktøylinjetilpassing lèt deg endra ikon, søkespørjing og verktøytips.
• Som med ein kvar knapp kan du alltid tilordna ein snarveg til han i Snarvegiinnstillingar (en).

Regulære uttrykk

JOSM støttar ​Java regex-syntaks.

MapCSS-syntaks

Sjå MapCSS-implementering (en)

Hent ekstern fil og erstatt utval

Ein svært lite brukt funksjon som lèt deg oppgje ei nettadresse (file://, http://, https://, ftp://) i søkefeltet.

• JOSM vil deretter forsøkja å lasta denne nettadressa og velja alle objekt han finn referert i denne fila.
• JOSM vil sjå etter XML-merke "way", "node" og "relation" i dokumentet (klargjer? døme?), og bruka deira id-attributt.
• Du kan få tilgang til ei anna OSM-fil på harddisken din på denne måten og få JOSM til å velja alle objekt som er til stades i fila (førehandsatt at dei også er til stades i JOSM sitt datasett).

Noko liknande er mogeleg via:

• Kommandolinjeparameter (en) under oppstart av JOSM
• Fjernkontroll (en)-kommando

Sjå også

• Filter lèt deg lagra og kombinerera fleire søkemønster mellom JOSM-øktane dine

---

Tilbake til Rediger-menyen
Tilbake til Hovudmeny
Tilbake til Hovudhjelp