Notoj Panelo

Klavara mallongigo: neniu — unu el la JOSM paneloj

Ĉi tiu panelo prezentas liston de ​OSM notoj kaj permesas krei novajn, komenti, fermi aŭ remalfermi notojn. Ĉi tiuj notoj ankaŭ povas esti redaktitaj sur la ​OSM ĉefa paĝo (dekstra ilobreto).

Elŝuti notojn

Estas malsamaj eblecoj:

• Uzu la "Notoj" markobutonon en la elŝuta dialogo.
• Uzu la "Elŝuti notojn en nuna vido" butonon de ĉi tiu panelo
• Serĉu Notojn per la Dosiera menuo → Serĉi Notojn ...
• Uzu Dosieran menuon → Malfermi Lokon... kaj enigu specialan URL-on aŭ simple algluu (Ctrl+V) la specialan URL-on en la JOSM Mapa Vido.
• Uzu Dosieran menuon → Elŝuti notojn en nuna vido
• Malfermi lokan .osc dosieron enhavantan Notojn (ekz. kreita de la inteligenta telefona aplikaĵo OSMAnd).
• (Elŝuti per fora kontrolo sur www.openstreetmap.org ankoraŭ ne funkcias, vidu #11367 kaj ​github problemo)

Funkcioj

Ikono	Nomo	Priskribo
	Elŝuti notojn en nuna vido
	Krei novan noton
	Aldoni komenton	Aldoni komenton al malfermita noto.
	Fermi noton
	Remalfermi noton
	Ordigi notojn	Vi povas ordigi la notojn en la listo laŭ stato (malfermita, fermita, nova), uzantnomo, kreita dato aŭ lasta ŝanĝa dato.
	Malfermi la noton en ekstera retumilo	Malfermas la elektitan noton en via defaŭlta retumilo. Alternative vi povas uzi Altnivelaj informoj (reto) el la Vida menuo.
	Alŝuti notajn ŝanĝojn al servilo	Post kiam vi kreis noton aŭ faris ŝanĝojn al ekzistantaj notoj, la ŝanĝoj ne estas alŝutitaj aŭtomate. Vi devas premi ĉi tiun butonon. Se vi provas forigi la Notoj tavolon aŭ fermi JOSM kun ankoraŭ ne alŝutitaj notaj ŝanĝoj, JOSM demandos, ĉu vi volas alŝuti la ŝanĝojn.
	(maldekstra klako)	Maldekstra klako sur nota simbolo en la mapa vido aŭ sur lista ero en la listo malfermas la notan enhavon en ilpinto en la mapa areo
	(duobla klako)	Duobla klako movos la mapan vidon tiel ke la noto estas centrita
	Ctrl+C	Elektu noton en la listo kaj premu Ctrl+C por kopii la identigilon de la noto kaj la tekston de la unua komento al la tondejo. (Pli uzebla maniero estas elekti kaj kopii tekston rekte en la nota ilpinto.)

Estas ankaŭ kunteksta menuo se vi dekstre klakas noton en la listo por Komenti/Malfermi en retumilo/Fermi/Remalfermi noton.

Filtrado

Per la serĉkesto super la notoj en la Notoj Panelo vi povas filtri la elŝutitajn notojn. Iuj vortoj havas specialan signifon.

Vorto	Priskribo
malfermita	Montras nur notojn kiuj estas malfermitaj
fermita	Montras nur notojn kiuj estas fermitaj
remalfermita	Montras nur notojn kiuj estas remalfermitaj
nova	Montras nur notojn kiuj ankoraŭ ne estis alŝutitaj
modifita	Montras nur notojn kiuj havas novajn komentojn kiuj ankoraŭ ne estis alŝutitaj

Altnivelaj Preferoj

Estas kelkaj altnivelaj agordoj por notoj. Por ŝanĝi ilin unue elŝutu kelkajn notojn kaj poste iru al la Altnivela prefero kaj serĉu la jenajn ŝlosilojn:

• osm.notes.daysClosed: vi povas specifi kiom longe (en tagoj) la notoj ankoraŭ estu elŝutitaj post kiam ili estis fermitaj. La defaŭlta valoro estas 7. Noto: Ĉi tiu prefero ankaŭ haveblas sub Konektaj preferoj.
  • agordu pozitivan nombron por agordi la tagojn (ekz. 10 signifas ke noto kiu estis fermita antaŭ 10 tagoj estos elŝutita, noto kiu estis fermita antaŭ 11 tagoj ne estos)
  • agordu ĝin al 0, por elŝuti nur malfermitajn notojn
  • agordu ĝin al -1, por elŝuti ĉiujn kreitajn notojn iam ajn (kompreneble nur en la elektita areo kaj limigita al la maksimuma elŝuta limo, vidu sube)
• osm.notes.downloadLimit: vi povas specifi la maksimuman nombron de elŝutitaj notoj. La defaŭlta valoro estas 1000. La maksimuma valoro estas 10000. Estas averto montrata se vi atingas la limon.

Vidu ankaŭ

• Aŭtomata savado - restarigas nesavitajn Notoj tavolojn en kazo de JOSM kraŝo.
• ​priskribo kiel vi povas uzi notojn de la ĉefa programisto de la JOSM nota efektivigo

---

Reen al Fenestra menuo
Reen al Flanka kolumno
Reen al Ĉefa Helpo