Kromaĵo -> Turnaj Restriktoj

Enkonduko

En OpenStreetMap, turna restrikto limigas navigadajn eblojn. Ĝi reprezentas la restrikton, ke oni ne povas navigi de unu vojo al alia vojo. Ekzemple, la turna restrikto montrita sube malpermesas veturi rekte. Veturiloj devas turni maldekstren ĉe la kruciĝo, kie la du vojoj renkontiĝas (la tiel nomata tra-nodo). Turnaj restriktoj estas gravaj por itinera kaj navigacia programaro bazita sur OSM-datumoj.

La turnrestrictions kromaĵo subtenas redaktadon de turnaj restriktoj. Ĝi konsistas el du ĉefaj komponantoj:

1. Panelo de Turnaj Restriktoj - la panelo de turnaj restriktoj estas montrata dekstre en la flankobreto. Ĝi montras la liston de turnaj restriktoj en la nuna datumaro kaj permesas krei aŭ forigi turnajn restriktojn, aŭ lanĉi la Redaktilon de Turnaj Restriktoj por redakti turnan restrikton.
2. Redaktilo de Turnaj Restriktoj (Alt+Shift+2) - la Redaktilo de Turnaj Restriktoj estas speciala redaktilo por turnaj restriktoj.

Etikedada modelo

Turnaj restriktoj estas norma mapo-trajto priskribita en la ​OSM-vikio.

Teknike, turna restrikto estas OSM rilato. Turna restrikto

• devas havi rilatan membron kun rolo from referencanta al vojo. Ni nomas ĉi tiun vojon la from-vojo.
• devas havi rilatan membron kun rolo to referencanta al vojo. Ni nomas ĉi tiun vojon la to-vojo.
• devas havi almenaŭ unu rilatan membron kun rolo via referencanta al nodo aŭ vojo. Ni nomas ĉi tiujn objektojn via-objekto.

Uzokazoj

Krei turnan restrikton

Ekzistas pluraj eblecoj krei novan turnan restrikton. Unue, vi povas lanĉi la Redaktilon de Turnaj Restriktoj por nova turna restrikto el la Panelo de Turnaj Restriktoj:

1. Klaku sur en la Panelo de Turnaj Restriktoj. Alternative, elektu Nova el la ŝpruca menuo.

Alternative, vi povas lanĉi novan redaktilon per klavara mallongigo:

1. Premu la mallongigon por krei aŭ redakti turnan restrikton. En plej multaj platformoj, la mallongigo estas Alt+Shift+2.
2. Se objektoj en la nuna JOSM-elekto jam partoprenas en turna restrikto, la sekva fenestro aperas.

Simple klaku sur Krei novan turnan restrikton por lanĉi la redaktilon de turnaj restriktoj por nova turna restrikto. Alternative, premu la klavon N aŭ premu Enter.

En ambaŭ kazoj, la turnrestrictions kromaĵo inicializas la novan turnan restrikton per objektoj el la nuna JOSM-elekto:

1. La unua elektita vojo en la JOSM-elekto fariĝas la from-vojo.
2. La lasta elektita vojo en la JOSM-elekto fariĝas la to-vojo
3. Se la from- kaj to-vojo havas komon nodon, ĉi tiu nodo fariĝas via-objekto.

Rapida maniero krei turnan restrikton estas do:

1. Elekti la from- kaj to-vojon en JOSM
2. Premu Alt+Shift+2
3. Elektu la tipon de la turna restrikto kaj konservu ĝin.

Redakti turnan restrikton

Ekzistas pluraj eblaj manieroj lanĉi la Redaktilon de Turnaj Restriktoj por redakti turnan restrikton. Unue, vi povas lanĉi la Redaktilon de Turnaj Restriktoj por ekzistanta turna restrikto el la Panelo de Turnaj Restriktoj:

1. Elektu turnan restrikton en la Panelo de Turnaj Restriktoj
2. Klaku sur . Alternative, elektu Redakti el la ŝpruca menuo.

Due, vi povas lanĉi novan redaktilon per klavara mallongigo:

1. Premu la mallongigon por krei aŭ redakti turnan restrikton. En plej multaj platformoj, la mallongigo estas Alt+Shift+2.
2. Se objektoj en la nuna JOSM-elekto jam partoprenas en turna restrikto, la sekva fenestro aperas.

Simple duobleklaku sur la turna restrikto, kiun vi volas redakti. Alternative, por la supraj 9 turnaj restriktoj montritaj en la ŝpruca fenestro, vi povas uzi la mallongigojn 1 ĝis 9 por lanĉi la Redaktilon de Turnaj Restriktoj. En la ekzemplo supre, vi premus 1 por komenci redakti.

Rapida maniero redakti turnan restrikton estas do:

1. Elekti la from- aŭ to-vojon en JOSM
2. Premu Alt+Shift+2
3. Tajpu 1 por lanĉi la Redaktilon de Turnaj Restriktoj

Forigi turnan restrikton

Ekzistas pluraj eblaj manieroj forigi turnan restrikton. Unue, vi povas forigi ĝin en la Panelo de Turnaj Restriktoj:

1. Elektu turnan restrikton en la Panelo de Turnaj Restriktoj
2. Premu DEL aŭ klaku sur . Alternative, elektu Forigi el la ŝpruca menuo.

Alternative, vi povas lanĉi Redaktilon de Turnaj Restriktoj kaj klaki sur en ĝia ilaro.

Panelo de Turnaj Restriktoj

La Panelo de Turnaj Restriktoj helpas vin sekvi la turnajn restriktojn en la nuna redakta tavolo.

Jen ekrankopio de la panelo kaj ĝia ŝpruca menuo:

Se vi markas la kontrolkeston Nur partoprenantaj en elekto, la dialogo montras nur turnajn restriktojn, en kiuj objektoj el la nuna elekto partoprenas. Se la kontrolkesto ne estas markita, tiam ĉiuj turnaj restriktoj en la nuna redakta tavolo estas montritaj.

Vi povas apliki iujn komandojn al la turnaj restriktoj montritaj en ĉi tiu dialogo.

Komando	Priskribo
Krei novan turnan restrikton	Klaku aŭ elektu Nova el la ŝpruca menuo.
Redakti turnan restrikton	Elektu la turnan restrikton kaj klaku aŭ elektu Redakti el la ŝpruca menuo.
Forigi turnan restrikton	Elektu unu aŭ plurajn turnajn restriktojn, premu DEL, aŭ klaku sur aŭ elektu Forigi el la ŝpruca menuo.
Elekti la turnan restrikton	Por elekti la turnan restrikton kaj ĝiajn membrojn en la nuna redakta tavolo, unue elektu la turnan restrikton en la listo kaj poste elektu Elekti en nuna datumtavolo el la ŝpruca menuo.
Zomi al la turna restrikto	Elektu la turnan restrikton en la listo kaj poste elektu Zomi al el la ŝpruca menuo.

Redaktilo de Turnaj Restriktoj

La Redaktilo de Turnaj Restriktoj permesas al vi krei kaj redakti turnajn restriktojn. Ĝi provizas du uzantajn interfacojn:

• Baza Redaktilo. Ĉi tiu estas speciala uzanta interfaco por redakti la propraĵojn de turna restrikto.
• Progresinta Redaktilo. Ĉi tiu estas ĝenerala uzanta interfaco por redakti la krudajn datum-elementojn de la OSM-rilato, kiu reprezentas turnan restrikton.

Vi povas uzi iun ajn el ĉi tiuj uzantaj interfacoj. Sendepende de tio, ĉu vi uzas la Baza Redaktilo aŭ la Progresinta Redaktilo, vi devas certigi, ke la rezulta turna restrikto estas valida. La redaktilo de turnaj restriktoj kontrolas la turnan restrikton kaj montras erarmesaĝojn kaj avertojn en tria uzanta interfaco, t.e. la listo de aferoj.

Baza Redaktilo

La Baza Redaktilo permesas al vi agordi la from-vojon, la to-vojon, kaj esceptojn al la turna restrikto por elekto de veturilaj tipoj.

Por agordi la from-vojon

1. Elektu vojon en la nuna redakta tavolo
2. Trenu ĝin el la listo de elektitaj objektoj (maldekstre en la redaktilo) sur la enigan kampon From:

Alternative, vi povas

1. Elektu vojon en la nuna redakta tavolo
2. Kopii ĝin (uzante Ctrl+C aŭ Kopii en la ŝpruca menuo) en la listo de elektitaj objektoj dekstre de la Redaktilo de Turnaj Restriktoj
3. Klaku sur la kampo From: kaj algluu la kopiitan vojon (uzante Ctrl+V aŭ Alglui el la ŝpruca menuo)

En la norma agordo, via-objektoj ne estas montritaj en la Baza Redaktilo. Vi devas ŝalti al la Progresinta Redaktilo por redakti ilin. En la preferoj por la turnrestrictions kromaĵo vi povas ŝanĝi la norman agordon, tamen. Lanĉu la preferan dialogon kaj ebligu montradon/redaktadon de via-objektoj en la Baza Redaktilo.

La sekva ekrankopio montras la Baza Redaktilo agordita por montri/redakti via-objektojn ankaŭ.

Progresinta Redaktilo

La Progresinta Redaktilo permesas al vi redakti la krudajn OSM-datumojn, t.e. la etikedojn kaj la rilatajn membrojn de la rilato reprezentanta la turnan restrikton.

Redaktado de la etikedoj

En la supra duono de la Progresinta Redaktilo vi povas redakti la etikedojn de la turna restrikto. Vi povas aldoni etikedojn kun arbitraj ŝlosiloj kaj valoroj, sed bonvolu noti, ke iuj etikedoj havas specialan signifon en turnaj restriktoj:

• type=restriction - ĉi tiu estas postulata etikedo por turna restrikto.
• restriction=... - la valoro de ĉi tiu etikedo devus esti unu el la ​subtenataj tipoj por turnaj restriktoj. Anstataŭ redakti la krudan etikedan valoron, vi ankaŭ povas elekti restrikto-tipon el la falmenuo en la Baza Redaktilo.
• except=... - la valoro de ĉi tiu etikedo devus esti aro de ​subtenataj veturilaj tipoj. Anstataŭ redakti la krudan etikedan valoron, vi ankaŭ povas marki la respektivajn veturilajn tipojn en la Baza Redaktilo.
• (day_on=..., day_off=..., hour_on=... kaj hour_off=... povas esti uzataj por specifi kiam turna restrikto efektive estas aktiva, vidu la ​OSM-vikion por pli da informo.) Malaktualigita, bonvolu uzi ​kondiĉajn restriktojn anstataŭe.

Redaktado de la membroj

En la malsupra duono de la Progresinta Redaktilo vi povas redakti la ​membrojn de la turna restrikto-rilato.

Krom la from-vojo kaj la to-vojo, kiujn vi ankaŭ povas redakti en la Baza Redaktilo, vi ankaŭ povas enigi via-objektojn. (La rolo location_hint estas malaktualigita, ĉar ĝi ne estas verigebla surloke).

Por aldoni membrojn simple trenu kaj faligu aŭ kopiu/algluu objektojn el la JOSM-elekta vido dekstre al la listo de rilataj membroj.

Vi povas reordigi la rilatajn membrojn:

1. Elektu unu aŭ plurajn membrojn
2. Premu Alt-Up por movi ilin supren je unu pozicio. Alternative, vi povas elekti Movi supren el la ŝpruca menuo.

Premu Alt-Down por movi ilin malsupren je unu pozicio. Alternative, vi povas elekti Movi malsupren el la ŝpruca menuo.

Por redakti la rolon de rilata membro

1. Duobleklaku sur la tabela ĉelo kun la rolo
2. Redaktu la rolon kaj premu ENTER

Solvado de Eraroj kaj Avertoj

Preferoj

Por lanĉi la preferan panelon por la turnrestrictions kromaĵo:

1. Klaku sur en la JOSM-ilaro aŭ premu F10.
2. Klaku sur por montri la preferan panelon por la turnrestrictions kromaĵo

No filespec given

Elekti ikonaron por vojosignoj

La turnrestrictions kromaĵo uzas unu el du ikonaroj por la tipo de turnaj restriktoj. En la prefera panelo vi povas agordi, kiu ikonaro estu uzata, vidu la ekrankopion supre.

Ŝalti redaktadon de via-objektoj en la Baza Redaktilo

Plej multaj turnaj restriktoj enigita en OSM havas simplan strukturon. Ili limigas navigadon de unu vojo al alia, kie la du vojoj havas ekzakte unu komon nodon. Ĉi tiu nodo fariĝas la sola via-objekto en la turna restrikto. En plej multaj kazoj, ne necesas montri kaj/aŭ redakti ĝin en la Baza Redaktilo. Por teni simplajn aferojn simplaj, la norma agordo estas do ne montri via-objektojn en la Baza Redaktilo.

Vi povas anstataŭigi la norman agordon, tamen. Se vi markas la respektivan kontrolkeston en la preferoj (vidu la ekrankopion supre), la listo de via-objektoj ankaŭ montriĝos en la Baza Redaktilo.

Vidu ankaŭ

• ​Paĝo de Turnrestriction Kromaĵo - Historia referenco, evoluo de ĉi tiu kromaĵo en 2010-03 estis sponsita de ​skobbler GmbH

---

Reen al Helpo pri Kromaĵoj
Reen al Ĉefa Helpo