Vel Sporvisning

Tilgjengeleg frå høgreklikkmenyen for kvart GPX-lag (med fleire GPX-spor) i Lagdialogen

I denne dialogen kan du velja kva for spor frå nedlasta eller opna GPX-data som skal visast. Som standard vert alle spor viste, og du kan veksla synleiketen for alle spor med den vanlege vis/gøym-knappen som alle lag har.

For å velja spora du vil visa, kan du bruka såkalla "dra og vel". For å utføra denne handlinga, venstreklikk på ein av oppføringane og flytt deretter markøren opp eller ned i lista, avhengig av kva du vil velja. Slipp markøren for å fullføra valet. Du kan veksla enkelte spor ved å Ctrl+klikkja på dei. Ctrl+"dra og vel" fungerer også og fjernar eller legg til i valet ditt avhengig av om den fyrste raden var vald eller ikkje. Viss du vil sjå alle spora igjen, kan du også bruka "vis alle"-knappen.

Du kan endra storleiken på kolonnene ved å dra den vesle linja mellom kolonneoverskriftene for å visa avkutta tekst. Alternativt kan du berre halda musepeikaren over ei celle for å visa innhaldet i eit verktøytips. Viss du vil kopiera informasjonen, bruk GPX-lagets Info-dialog i staden (sjå nedanfor).

Kartet vert oppdatert kvar gong valet endrast, slik at du enkelt kan identifisera spora du vil ha synlege. Viss du trykkjer avbryt, vert dei førre innstillingane gjenoppretta.

Innstillingane går tapt viss du slettar laget eller avsluttar JOSM.

Du kan opna lenkjene i URL-kolonnen ved å dobbeltklikkja på dei. Dei vert opna i din eksterne nettlesar. Lenkjer i andre kolonnar kan ikkje opnast på denne måten, men du kan kopiera dei frå GPX-lagets Info-dialog. Han er tilgjengeleg frå lagets høgreklikkmeny (avslutt først dialogen for å velja sporvisning).

Døme

Døme på dialogen for å velja sporvisning med to spor valde.

---

Tilbake til Meny GPXLayer
Tilbake til Hovudhjelp