[[TranslatedPages(revision=19)]]
[[PageOutline]]

= Subteno por HiDPI – Superrigardo =
Ĉi tiu paĝo enhavas informojn pri kiel optimumigi la JOSM-interfacon por altrezolucia ekrano.

== Bazaĵoj ==
1. Taŭga subteno por HiDPI estis aldonita kun Java 9, kaj kelkaj plibonigoj estis faritaj en la sekvaj versioj, do certigu, ke vi uzas la plej novan version de Java.
1. Versio de JOSM [wikitr:/WikiStart ĝisdata] estas necesa.

Vi povas atendi la plej bonajn rezultojn kun paraj skalaj faktoroj, ekz. 200%, 400%, ... sed aliaj valoroj ankaŭ estas subtenataj.

== Kiel aktivigi HiDPI-reĝimon ==
Se HiDPI-reĝimo ne estas aktivigita defaŭlte, jen manieroj por aktivigi ĝin.

=== Vindozo ===
En Vindozo, vi povas aktivigi skalitan ekranan reĝimon tutsisteme. Vidu ekzemple [http://pccleaningtools.com/how-to-enlarge-display-text-in-windows ĉi tiun] ampleksan helpan paĝon.

Por Vindozo 7, la opcio nomiĝas ''Ekrano / Agordi propran tekstan grandecon (DPI)'', por Vindozo 8 ĝi nomiĝas ''Ekrano / Ŝanĝi la grandecon de ĉiuj eroj'' kaj por Vindozo 10 ĝi estas ''Ekrano / Personecigi vian ekranon / Ŝanĝi la grandecon de teksto, aplikaĵoj kaj aliaj eroj''.

=== Linukso ===
Vi povas aktivigi HiDPI-reĝimon por unu aplikaĵo per rulado kun la media variablo `GDK_SCALE` agordita al 2, 4, ..., ekz.:
{{{#!bash
GDK_SCALE=2 java -jar josm.jar
}}}
Se vi volas konservi ĝin konstante, vi povas modifi la konfiguran dosieron, `josm` respektive `josm-latest`, kutime troviĝantan en `/etc/default/` (Debian/Ubuntu) aŭ `/etc/conf.d/` (Arch) per aldono de ĉi tiu linio ĉe la fino de la dosiero:
{{{#!bash
export GDK_SCALE=2
}}}

Alternative, vi povas modifi la java2d ui-skaladon per la komandlinio aŭ la supra konfigura dosiero. Vidu [wikitr:/Help/Preferences#Customizationalloperatingsystems] por detaloj:
{{{#!bash
JOSM_ARGS="-Dsun.java2d.uiScale=2 {aliaj argumentoj}"
}}}

== Agordoj ==
 Fona bildaro:: Defaŭlte, la kaheloj de la fona bildaro estas skaltaj per la sama faktoro kiel aliaj GUI-elementoj. Ĉi tio certigas taŭgan grandon de la tiparo, se la fona bildaro enhavas tekston kaj simbolojn. Tamen, ĝi kondukas al reduktita bildrezolucio.

 Sub [wikitr:/Help/Preferences/Imagery#Settings Preferoj por bildaro / Agordoj] / ''Kaheloj zoma kompenso'', vi povas agordi kompenson de 1. Ĉi tio igas JOSM preni kahelojn de unu zoma nivelo pli alta kaj duobligi la bildrezolucio. Nuntempe, ĉi tiu agordo nur validas por la ĉefa mapareo kaj ne por la elŝuta dialogo.

 Grando de menu-tiparo:: La grandeco de la tiparo por la ĉefa menuo povas esti skaltita per certa faktoro uzante la altan preferan valoron `gui.scale.menu.font`. Ĝi estas intencita por relative malgrandaj ĝustigoj. (JOSM r12923 aŭ posta).

 Grandoj de ikonoj:: Estas altaj opcioj `iconsize.*` por agordi la defaŭltajn grandojn de ikonoj. Aparte `iconsize.smallicon` efikos la ikonojn antaŭ menueroj, sed ankaŭ en kelkaj aliaj lokoj, ekz. en la paneloj dekstre.

 Stilo HiDPISupport:: [wikitr:/Styles/HiDPISupport Ĉi tiu] stilo skaltas la desegnon de la mapareo uzante MapCSS-ilojn. Ĝi estis kreita en tempo de malbona subteno por HiDPI en Java kaj nur devus esti necesa en esceptaj kazoj.

 Skalado de bildoj (malaktualigita, eksperimenta):: La alta opcio `gui.scale` estis uzata por skali la GUI, esence provante implementi tion, kio nun estas havebla kiel subteno por HiDPI en Java 9. Ĝi nur atingis skaladon de bildoj. Plua evoluo ne estas planita, ĉar ĝi estas malaktualigita per la trajtoj de Java 9. Ĉi tiu opcio povus esti forigita en estonta versio de JOSM.